Қарыз шарттары:

БК-мен бағаны тұрақтандыруға 0,01% сыйақы мөлшерлемесімен жеңілдікпен кредиттеу 12 айдан аспайтын мерзімге беріледі. Қарыз сомасы әлеуметтік маңызы бар азық-түлік тауарларына бағаны тұрақтандыру тетіктерін іске асыруды қамтамасыз ету жөніндегі комиссияның шешімі негізінде айқындалады.

Қажетті құжаттар

Әлеуметтік маңызы бар азық-түлік тауарларына бағаны тұрақтандыру тетіктерін іске асыру шеңберінде жеңілдікті қарыз беру үшін кәсіпкерлік субъектісі мынадай ақпаратты енгізеді:
1) кредиторлық және дебиторлық берешектің, активтер тізбесінің толық жазылуымен өткен және / немесе ағымдағы қаржы жылы үшін қаржылық есептілік;
2) заңды тұлғалар үшін кәсіпкерлік субъектісі Жарғысының нотариат куәландырған көшірмесі, құрылтай шарты (Жарғыда қатысушы/қатысушылар туралы, сондай-ақ оның жарғылық капиталдағы үлесінің мөлшері туралы толық ақпарат болмаған жағдайда);
3) бірінші басшыны тағайындау (сайлау) туралы құжаттың нотариат куәландырған көшірмесі (заңды тұлғалар үшін);
4) Бірінші басшының жеке куәлігі;
5) заңды тұлғаның/дара кәсіпкердің бірінші басшысына соттылығының болуы не болмауы туралы анықтаманың түпнұсқасы;
6) бірінші басшыны қоспағанда, өтінімге қол қою құқығына мүдделерін білдіретін адамға (адамдарға) сенімхаттың түпнұсқасы;
7) кепілге берілетін мүлікті бағалау туралы есеп (бағалау жүргізілген күн өтініш берушінің құжаттарды ұсынған күніне 3 (үш) айдан ерте болмауы тиіс);
8) міндеттемелердің орындалуын қамтамасыз ету (кепіл) ретінде ұсынылатын жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы қаржыландыруға өтінім берілген күнге дейін 1 (бір)күннен ерте емес беру мерзімімен анықтаманың түпнұсқасы (№2 нысан);
9) заңды тұлғалар үшін жылжымайтын мүліктің жоқ (бар) екендігі туралы мәліметтер (№6 нысан).
10) өтініш берушіге (міндетті) және кепілгерге (бар болса)Бірінші кредиттік бюроның анықтамасы (кредиттік тарих бойынша толық ақпарат);
11) есепке алу Мемлекеттік кірістер органдарында жүргізілетін берешектің жоқ (бар) екендігі туралы мәліметтер;
12) уәкілетті органның (құрылтайшылардың/қатысушылардың/ акционерлердің) қарызға жүгінуі, соттан тыс іске асыру құқығын және/немесе банк кепілдігін және/немесе үшінші тұлғалардың кепілдігін бере отырып, мүлікті кепілге беру және/немесе қатысушылардың қолдарының түпнұсқалығын нотариалды куәландыра отырып, кепілгерлік беру туралы шешімі;
13) кәсіпкерлік субъектісінің атқарушы органының қоғамның кепілге ұсынылатын мүлікке өзіндік тәуелсіз бағалау жүргізуіне байланысты шығындарды өтеу туралы жазбаша келісімінің түпнұсқасы;
14) кәсіпкерлік субъектісінің меншігінде болуын растайтын құжат/өтінімге сәйкес көлемде азық-түлік тауарларын сақтау қуатын растайтын жергілікті атқарушы органның құжатымен (хатымен) қойма үй-жайын жалдау шарты;
15) Астана қаласының сауда объектілерімен жасалған Жеткізу шарттарының көшірмелері (көтерме дистрибьюторлар мен өндірушілер үшін);
16) кепіл нысанасына құқық белгілейтін құжаттардың көшірмелері (егер кепілге жылжымайтын / жылжымалы мүлік берілсе);
17)мүлікті кепілге беру туралы жұбайының/зайыбының келісімі (қажет болған жағдайда);
18) құрылтайшының/қатысушының/акционердің мүлікті кепілге беру туралы шешімі (қажет болған жағдайда).
Кәсіпкерлік субъектілері өтінімді қарау кезінде банкрот болып табылмауға тиіс. Кәсіпкерлік субъектісі өтінімді қарау кезінде жеткізушілердің жосықсыз ұйымдарының тізімінде болмауға тиіс. Қажет болған жағдайда "Астана қаласының Инвестициялар және кәсіпкерлікті дамыту басқармасы" ММ қосымша құжаттарды талап етуге құқылы.