Мәлімет

Елордалық тұрақтандыру қоры әлеуметтік маңызы бар азық-түлік тауарларының бағасын реттейді. Ол үшін қор өнімді сатып алып, қоймаларда сақтаған. 2017 жылдан бастап 2019 жылға дейін тұрақтандыру қоры отандық өндірістің 12,5 мың тонна өнімін сатып алды. Сатып алынған азық-түлік тауарлары нарық бағасынан төмен бағада сатылды.

Бағаны реттеудің екінші тетігі – кәсіпкерлік субъектілеріне қарыз беру. 2020-2025 жылдары 29,1 млрд. теңгеден астам сомаға 60 қарыз берілді.

Тұрақтандыру қорының міндеттері:

Әлеуметтік маңызы бар азық-түлік тауарларына бағаларды тұрақтандыру
Астанада азық-түлік қауіпсіздігін қамтамасыз ету

Тұрақтандыру қорының қызметі Астана қаласы әкімдігінің жанындағы Комиссияның жұмысы арқылы жүзеге асырылады.

Комиссияның құзыреті:

Астана қаласында ӘМАТ-қа тұрақтандыру тетіктерін іске асыру туралы шешім қабылдау;
Өңірлік тұрақтандыру қорын құру мен пайдалану тетігін іске асыру мақсатында, өңірлік тұрақтандыру қорына сатып алынатын азық-түлік тауарлар тізбесі мен олар бойынша шекті сауда үстемені анықтау;
Қарыз беруге кәсіпкерлік субъектісін анықтау;
ӘМАТ-қа шекті сауда үстемесін анықтау бойынша мамандандырылған ұйымдардың ұсыныстарын қарау.

Әлеуметтік маңызы бар азық-түлік тауарлары

Әлеуметтік маңызы бар азық – түлік тауарлары (ӘМАТ) - бұл белсенді және салауатты өмірді сақтау үшін бірінші қажеттіліктегі тауарлар..

Бүгінгі күні ӘМАТ тізбесі өнімдердің 19 атауынан тұрады.

ӘМАТ тізімін Қазақстан Республикасының Үкіметі қалыптастырады.