Республиканың цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитеті Қазақстан ЕСКЕРТЕДІ:
Дербес деректердің тарап кетуінің басты себебі - оларды қорғау туралы жеткіліксіз хабардар болу.
Барлық кибершабуылдардың 91%-ы күдікті электрондық хаттардан басталады.
Кибергигиена бойынша негізгі нұсқауларды сақтай отырып, сіз өзіңіздің жеке деректеріңізді қорғай аласыз:
- Құпия сөздерде күрделі тіркестерді қолданыңыз;
- ЭЦҚ-ны басқа тұлғаларға бермеңіз;
- Бейтаныс адамдардан электрондық хаттарды ашпаңыз;
- Интернетте өзіңіз туралы аз сөйлесіңіз;
- Деректердің көшірмелерін үнемі жасаңыз және оларды сыртқы құрылғыларда сақтаңыз;
- Бейтаныс сайттарға бармаңыз.
Сіздің жеке деректеріңізді қорғау - бұл мемлекеттің міндеті ғана емес, сонымен бірге біз өзіміз жасай алатын маңызды қадам.
Дербес деректерді қорғау саласындағы Сіздің құқықтарыңыз бұзылған жағдайда, Сіз Қазақстан Республиканың цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитетіне жүгіне аласыз.
