Нұр-Сұлтан қаласында жердің электрондық картасы жасалуда. Нақты уақыт режимінде сіз жер учаскесі туралы оның кадастрлық нөмірінен бастап коммерциялық меншікке дейін бәрін біле аласыз.
Елорда әкімінің орынбасары Малика Бектұрова өзінің Telegram-каналында айтып өткендей, барлық функциялар келесі параметрлерді қамтитын геоақпараттық платформа түрінде жасалады:
• 2D карта (ТЖЖ, функционалдық аймақтарға бөлу, жер учаскелері, жылжымайтын мүлік объектілері және т. б.);
• Үш өлшемді фотореалистік мәліметтер базасы үшін 3D картасы;
• Көгалдандыру карталары, автожолдар, гидрография және елорданың басқа да инфрақұрылым объектілері.
Қала үстінен 5 мыңнан астам ұшу және 801 км2 - бұл 1 пикселге 3 см дәлдікпен Нұр-Сұлтан жер учаскелерін цифрландыру көлемі.
Жұмыстар 3 кезеңге бөлінген. Бірінші кезең дайын: қаланың барлық салынған аумағын аэрофототүсіру; цифрлық жерді және қаланың рельефтік моделін құру.
Екінші кезең 2020 жылғы 31 желтоқсанға дейін:
• 2D картасы;
• 3D картасы;
• Көгалдандыру карталары, автожолдар, гидрография және қаланың басқа да инфрақұрылым объектілері.
Үшінші кезең 2021 жылғы 1 сәуірге дейін: қаланың инженерлік желілерінің карталары.
«Сонымен қатар, геоақпараттық орталық шеңберінде цифрлық мемлекеттік қызметтер көрсету, оның ішінде жылжымайтын мүліктің бірыңғай мемлекеттік кадастры шеңберінде жер учаскелерін ұсыну мүмкіндігі туады. Геоақпараттық порталды іске қосу 2021 жылға жоспарланған», - деді Малика Бектұрова.
Нұр-Сұлтан қаласында жердің электрондық картасының жасалуын «Astana» ӘКК» АҚ-ның еншілес ұйымы «Astana Innovations» АҚ іске асыратынын еске саламыз.
