24 сәуір күні Астана қаласы мәслихатының депутаттары "Astana" ӘКК" АҚ, "Astana Invest" инвестицияларды дамыту қалалық орталығы" ЖШС инвестициялық жобалары бойынша нысандарды аралады.
Іс-шара күнтізбесі бойынша кездесу Сығанақ көшесінде орналасқан білім беру орталығынан басталып, "Dopsy arena" футбол мектебіне ұласты.
Келесі инвестициялық нысан - Haval crystal Astana дилерлік орталығы да назардан тыс қалмады.
Көңіл көншитіндей жақсы әлеуметтік жоба ретінде "Көзімнің қарасы" атты Мүгедектердің қоғамдық бірлестігі де жұртшылыққа таныстырылды.
Іс-шара Түркістан көшесі бойындағы кептірілген жемістерді сататын сауда павильонымен тәмамдалды.
Кездесудің қорытындысы бойынша мәселелер бүгінгі күні өтетін мәслихаттың бюджет, экономика, өнеркәсіп және кәсіпкерлік мәселелері жөніндегі тұрақты комиссиясының отырысында қаралатын болады.