Бірыңғай азаматтарды қабылдау күні қарсаңында «Astana» ӘКК» АҚ қызметкерлері елордада кәсіпкерлікті дамытуға арналған ең танымал бағдарламалардың бірі – «1000 орын. Көше саудасы» бойынша онға тарта кеңес беру, сондай-ақ әлеуметтік және коммерциялық жобалар үшін тұрғын емес үй-жайларды жалдау мәселелері бойынша кеңес беру жүргізді. Қызметкерлер 14 адамның сұрақтарын ерекше бақылауға алды.
Бұл күні әкімдікке 700-ге жуық адам өтініш білдірді. Сұрақтардың басым бөлігі тұрғын үй бағдарламаларына, мектепке дейінгі білім беруге және жұмысқа орналасуға қатысты болды.
Сондай-ақ қабылдауға жазылғандар арнайы әлеуметтік көмек алу, үлестік құрылыс мәселелері бойынша өтініштерін білдірді. Астананың әрбір тұрғынының мәселесі жұмысқа алынды. Соңғы 4 ай ішінде елорда әкімі Алтай Көлгінов 600-ге жуық адамды қабылдады. Сұрақтардың басым бөлігі шешілді.
Азаматтарды қабылдау жүйелі түрде open akimat аудан әкімдіктерінде, қалалық әкімдікте өтеді, iQala Қалалық қызметтер орталығының алаңында қала әкімі кәсіпкерлерді қабылдайды.
.png)