Аталған жәрмеңке өңірлердегі ауыл шаруашылығы өндірушілеріне өз өнімдерін тікелей тұтынушыларға делдалсыз сатуға мүмкіндік береді. Соның нәтижесінде өнім бағасы нарықтық бағадан 10-20% - ға төмен саудаланады. Сонымен қатар, әр апта сайын сенбі және жексенбі күндері жәрмеңкеде бір келі қантты 480 тг көлемінде сатып алуға мүмкіндік бар. Өтетін орны – Тұран, 48 мекен-жайындағы «Астана-Арена» стадионының жанындағы алаң. Келесі жәрмеңке 10 және 11 қыркүйек күндері Қызылорда облысының тауарөндірушілері мен кәсіпкерлерінің қатысуымен өтеді. Жәрмеңкелер 13 қарашаға дейін жалғасады.
