«Astana» ӘКК» АҚ жаңа Dream Town тұрғын үй кешенінде пәтерлерді сатып алуға өтінімдер қабылдаудың басталғанын хабарлайды. Әртүрлі көлемдегі және жоспарлаудағы пәтерлер Мемлекеттік мүлік тізілімінің веб-порталында (www.gosreestr.kz) бағаны көтеру әдісімен аукцион арқылы сатылатын болады. Бір бөлмелі пәтерлердің бастапқы бағасы 13 млн теңгеден басталады. Өтінімдер 2024 жылғы 31 қазаннан 19 қарашаға дейін қабылданады. Аукцион 19 қарашада өтеді.
Аукционға қатысу үшін мемлекеттік реестр порталында тіркелу қажет. Қосымша ақпарат алу үшін 8(7172) 55-25-05 телефонына немесе info@astana-spk.kz электрондық поштасына хабарласуға болады.
