Елордалық кәсіпкерлер үшін қала әкімдігі жыл бойы тазалық пен тәртіпті сақтау бойынша ұсыныстары бар егжей-тегжейлі ақпарат дайындап, арнайы нұсқаулық әзірледі.
Кеңестер жыл мезгілдері бойынша төрт форматқа бөлінеді: көктем, жаз, күз және қыс. Ұсыныстар жыл мезгілдерінің ерекшеліктерін ескере отырып өзгереді.
Мәселен, "Көктем" нұсқаулығы бизнес иелерін шатырларды қардан уақтылы тазартуға және жасыл желектерді тәждеуге және отырғызуға, "Жаз" - ағаштар мен жасыл желектерге күтім жасауға, суару жүйесінің жұмысын қамтамасыз етуге, сондай-ақ санитарлық тазалауды (сенбіліктерді) тұрақты негізде жүргізуге шақырады. Күзде - кіретін жерге тайғанауға қарсы жабынды орнату және жылыту маусымына дайындалу, ал қыста – кіретін жерге көктайғаққа қарсы қоспамен өңдеу және тұтынушылардың қауіпсіздігіне қамқорлық жасау.
Елордада 230 мыңнан астам ШОБ субъектілері жұмыс істейді, бұл экономикалық белсенді халықтың 75%-ын құрауда. Бизнестің қалада тазалық пен тәртіпті сақтауға тартылуы - Астананы өркендетіп, басқа өңірлер үшін үлгі болмақ. Бизнес өкілдеріне туған қалаға деген сүйіспеншілік мәдениетін енгізе отырып, қоршаған орта үшін жауапкершілік мәдениетін қалыптастыру міндеті аса өзекті.
