Құрметті әріптестер, серіктестер, кәсіпкерлер мен инвесторлар!
Бүгін, 19 қазан – біздің компанияның айтулы күні, "Astana" Әлеуметтік-кәсіпкерлік корпорациясының (ӘКК) құрылғанына арналған мереке. Осы уақыт ішінде біз көптеген жетістіктерге қол жеткіздік, қоғам игілігіне орасан үлес қосып, өңірдің экономикалық дамуына серпін бердік.
ӘКК-нің басты мақсаты – қоғамға әлеуметтік маңызы бар жобаларды жүзеге асыру арқылы тұрақты дамуға қол жеткізу және бизнесті қолдау. Осы бағытта біз кәсіпкерлермен, инвесторлармен және серіктестерімізбен тығыз жұмыс жасап келеміз. Сіздердің қолдауларыңыз бен бірлесе атқарған істеріңіз біздің ортақ табыстарымызға жетеледі.
Бүгінгі мерекеде біз барлық әріптестерімізге, кәсіпкерлерімізге, инвесторларымызға шынайы алғысымызды білдіреміз. Сіздердің әрбіріңіздің қажырлы еңбектеріңіз, ұсынған жаңа идеяларыңыз және серіктестік рухтарыңыз біздің табысқа жетуіміздің негізі болып табылады.
Алдағы уақытта да әріптестігіміз нығайып, жаңа мүмкіндіктерге жол ашылсын. Сіздерге шығармашылық табыстар, тұрақты өсім және денсаулық тілейміз!
